Камісія не дазволіла адшыць для школ жаночыя кюлоты і завужаныя штаны

Адмысловая камісія не дазволіла прадпрыемствам канцэрна “Беллегпрам” адшыць для школьнікаў жаночыя кюлоты і завужаныя мужчынскія штаны. Гэтыя элементы адзення палічылі занадта фрывольнымі.

“Дзелавому дрэс-коду характэрныя элементы класічнага кроячы. Такое адзенне павінна прышчапляць пачуццё стылю і густу, быць стрыманым, каб дзеці ў час заняткаў канцэнтраваліся на атрыманні ведаў, а не на выглядзе сваіх аднакласнікаў”, — гаворыцца на сайце “Беларусь Сёння”.

У камісію ўваходзяць прадстаўнікі “Беллегпрама”, Міністэрства адукацыі, Міністэрства антыманапольнага рэгулявання і гандлю. Яны пішуць водгукі на кожную адзінку адзення. Толькі ўзгодненыя гэтай камісіяй элемнты ідуць у вытворчасць.

Паглядзець на гатовую калекцыю адзення, у якой канцэрн “Беллегпрам” прапануе дзецям ісці ў школу, можна тут.