У Чачэрску гімназісты разграмілі міліцэйскую каманду
Міліцыянеры спрабавалі супраціўляцца / t.me/checherski_vestnik/
У Чачэрску на Гомельшчыне гімназісты разграмілі міліцэйскую каманду. У навучальнай установе прайшоў таварыскі валейбольны матч. У ім "барацьба разгарнулася неабыякая", піша раённая газета.
Як ні супраціўляліся міліцыянеры з каманды Чачэрскага РАУС, гімназісты ўпэўнена перамаглі — 3:0. Начальнік аддзела міліцыі Яўген Аўчыннікаў, відаць, застаўся незадаволены вынікам, бо спартовае мерапрыемства арганізаваў менавіта ён. А ў справаздачы давядзецца напісаць пра паражэнне ад навучэнцаў.
