Канал “Культура” паставіў радыёспектакль “Чорная панна Нясвіжа”
![Канал “Культура” паставіў радыёспектакль “Чорная панна Нясвіжа”](/sites/default/files/styles/gallery_main/public/2023-08/barbara.jpg.webp?itok=dBpv1gJi)
23 чэрвеня ў 19:00 у эфіры канала “Культура” адбудзецца прэм’ера радыёспектакля “Чорная панна Нясвіжа” па п’есе Аляксея Дударава. Новы спектакль прымеркавалі да 90-годдзя рэжысёра Валерыя Раеўскага, які ў 2000 годзе паставіў драматычную гісторыю пра трагічнае каханне магнаткі Барбары Радзівіл і караля Жыгімонта на сцэне Купалаўскага тэатра.
“Гэта адаптаваны для аўдыяўспрымання твор, які зафіксаваў творчыя задумы купалаўцаў, каманды канала “Культура” і кампазітара Віктара Капыцько. Атрымалася вельмі шчымлівая сучасная гісторыя, што мела месца здарыцца ў далёкім XVI стагоддзі. Гэта сапраўдны гімн Вялікаму каханню, якое не мае межаў”, – адзначе дырэктар канала “Культура” Беларускага радыё Уладзімір Трапянок.
Ролі ў радыёспектаклі выканалі Валянціна Гарцуева (Барбара Радзівіл), Павел Астравух (кароль Жыгімонт), Ала Ельяшэвіч (Бона Сфорца), Сяргей Чуб (Мнішак), (Радзівіл Руды), Аляксандр Паўлаў (Радзвіліў Чорны). Гучыць у пастаноўцы і голас аўтара п’есы – Аляксей Дудараў, які выканаў ролю Вядучага.
Калі не патрапіце на прэм’еру, пераслухаць “Чорную панну Нясвіжа” можна будзе на сайце www.radiokultura.by.