Каралём Вялікабрытаніі будзе Карл ІІІ
Каралём Вялікабрытаніі будзе Карл ІІІ. Такое імя сабе выбраў прынц Чарльз пасля ўступлення на трон, паведаміла прэм'ер-міністр Вялікабрытаніі Ліз Трас.
8 верасня на 97-м годзе жыцця памерла брытанская каралева Лізавета II. Яна была на троне больш за 70 гадоў. Чарльз быў прынцым таксама вельмі доўга. Цяпер яму 73 гады.
Кароль Карл ІІІ ужо выступіў з афіцыйнай заявай.
У Вялікабрытаніі аб'яўлена 10-дзённая нацыянальная жалоба.
