Хапун у Полацку і Наваполацку — затрымалі каля 40 чалавек
![Вольга Брыцікава і Аляксандр Кухаронак](/sites/default/files/styles/gallery_main/public/2023-08/naftan_2.jpg.webp?itok=bbk9EFtI)
Вольга Брыцікава і Аляксандр Кухаронак
У Полацку і Наваполацку 1 снежня сілавікі затрымалі каля 40 чалавек, паведамляе "Позірк" са спасылкай на ўласныя крыніцы.
Затрыманні звязаныя са справай Вольгі Брыцікавай — былой кіраўніцай арганізацыі Беларускага Незалежнага прафсаюзу на "Нафтане". Па звестках крыніцы, следства шукае доказы па справе Брыцікавай, але пакуль нічога не мае.
"У пятніцу забралі 40 чалавек. Прыкладна палову з іх — у каго ёсць непаўналетнія дзеці — потым адпусцілі. Большасць затрыманых запалохвалі крымінальнымі справамі за прафсаюзную актыўнасць і фінансаванне пратэстаў, але для іх затрыманне і так можа скончыцца звальненнем без магчымасці працаўладкавацца пасля. Мацярок палохалі тым, што забяруць дзяцей у інтэрнат", — кажа крыніца "Позірку".
Вольгу Брыцікаву з 2020 года неаднаразова арыштоўвалі за ўдзел у пратэстах і за антываенныя акцыі. У жніўні Брыцікаву затрымалі па крымінальнай справе разам з адным з лідараў страйку на прадпрыемстве ў 2020 годзе Аляксандрам Кухаронкам. Іх вінавацяць у закліках да санкцый.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.