Кіраўнік расійскага МЗС абмяркуе ў Мінску сітуацыю ва Украіне
15-16 чэрвеня міністр замежных спраў Расіі Сяргей Лаўроў наведае беларускую сталіцу.
У праграме візіту — перамовы па актуальных двухбаковых і замежных пытаннях. У прыватнасці, будзе абмяркоўвацца супрацоўніцтва ў рамках СНД, Еўразійскага эканамічнага саюзу і Саюзнай дзяржавы Беларусі і Расіі. Таксама расійскі міністр мае абмеркаваць з беларускім бокам узаемадзеянне ў ААН ды іншых міжнародных арганізацыях, праблематыку адносінаў з ЕС і АБСЕ.
Значную ўвагу нададуць праграме “Усходняе партнёрства” ў сувязі з сітуацыяй ва Украіне і варыянтам яе стабілізацыі, перадае БЕЛТА.
