На інаўгурацыю не запрасілі нават расійскага амбасадара
Улады Беларусі не запрашалі замежных амбасадараў на інаўгурацыю Аляксандра Лукашэнкі.
"Па нашых звестках, кіраўнікам акрэдытаваных у Беларусі дыпламатычных місій, запрашэнні не накіроўваліся. Не паступала яно і расійскаму амбасадару", — паведаміў агенцтву "Інтэрфакс" прэс-сакратар расійскай амбасады ў Беларусі Аляксей Маскалёў.
Інаўгурацыя Лукашэнкі прайшла 23 верасня. Яна была падрыхтаваная таемна, на яе былі запрошаныя каля 700 чалавек, як паведаміла яго прэс-служба.
Кіраўнікі шэрагу замежных краін і міністэрстваў замежных спраў ужо заявілі, што не прызнаюць Аляксандра Лукашэнку легітымным кіраўніком Беларусі. У гэты спіс увайшлі Германія, Літва, Латвія, Эстонія, Славакія, Чэхія, Данія.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
