Кітайскага журналіста асудзілі на 3 гады за крытыку кампартыі

Кітайскі пісьменнік і журналіст Чэнь Даацзюнь быў асуджаны да трох гадоў турмы па абвінавачванні ў спробе падарваць дзяржаўны лад, паведамляе Lenta.ru.
Суд убачыў нападкі на камуністычную партыю ў трох артыкулах, прадстаўленых у якасці доказаў віны журналіста.

Для таго, каб прызнаць журналіста вінаватым, суду спатрэбіліся ўсяго паўгадзіны. Адвакат Даацзюня дарэмна спрабаваў пераканаць суд у тым, што журналіст усяго толькі крытыкаваў кампартыю, а не заклікаў да яе звяржэння.