Курсы долара і расійскага рубля ў Беларусі 14 траўня панізіліся

У панядзелак, 14 траўня, прайшлі чарговыя таргі на Беларускай валютна-фондавай біржы. Па іх выніках Нацбанк вызначыў новыя курсы валют. 

Курс долара ЗША працягвае зніжацца — з 2,0040 да 2,0003 беларускага рубля. А вось курс еўра пасля працяглага зніжэння пайшоў угору — з 2,3870 да 2,3953 рубля. За 100 расійскіх рублёў сёння даюць 3,2400 беларускага (у пятніцу — 3,2470).

Беларускі рубель умацаваўся да кошыка валют на 0,11%.