Латвія вышле беларускага часовага паверанага і ўсіх дыпламатаў
Латвія вышле беларускага часовага паверанага і ўсіх дыпламатаў. Рыга адказала на рашэнне Мінска выслаць пасла Латвіі і амаль увесь склад латвійскага пасольства, паведамляе Delfi.
24 траўня ў МЗС Латвіі выклікалі часовага паверанага беларускага пасольства Наталлю Садоўскую. Яе праінфармавалі пра сіметрычны адказ Рыгі і пра неабходнасць ад'езду беларускіх дыпламатаў на радзіму "да моманту нармалізацыі адносін".
Перад гэтым латвійскі амбасадар Эйнарс Семаніс быў запрошаны ў МЗС Беларусі ў сувязі з "абразай дзяжсцягу Беларусі ў Рызе": мэр Рыгі замяніў у цэнтры сталіцы чырвона-зялёны беларускі дзяржаўны сцяг на бел-чырвона-белы з "Пагоняй".
