Літоўцы знайшлі ў расіяніна, які ехаў з Беларусі, дэталі зброі
Гэтыя дэталі знайшлі ў аўтамабілі / facebook.com/Muitineskriminalinetarnyba
На мяжы Літвы ў расіяніна, які ехаў з Беларусі, знайшлі дэталі зброі, паведамляе літоўская Мытная крымінальная служба. Мужчына мае від на жыхарства ў Латвіі. Ён ехаў на аўтамабілі Jaguar.
Літоўскія мытнікі правяралі машыну ў пункце пропуску Мядзінінкай (з беларускага боку — Каменны Лог). Мяркуецца, што выяўленыя дэталі могуць быць "прадметамі ваеннага або падвойнага прызначэння". Гэта і прыстасаванні для мацавання спецыяльнага абсталявання на зброю, і дзяржальні для пісталета.
facebook.com/Muitineskriminalinetarnyba
