Лукашэнка абверг чуткі, што краінай ужо кіруюць сілавікі

Аляксандр Лукашэнка абверг чуткі, што краінай ужо кіруюць сілавікі. 11 верасня пасля галасавання на выбарах у Палату прадстаўнікоў, на выбарчым участку кіраўнік дзяржавы адказаў на пытанні журналістаў.

Пасля таго, як Лукашэнка адказаў на пытанне пра бізнесмена Юрыя Чыжа, які з сакавіка знаходзіцца за кратамі, ён адзначыў, што шэраг службовых асоб і некаторыя буйныя бізнесмены не могуць быць затрыманыя па падазранню ў здзяйсненні нейкага злачынства, пакуль праваахоўныя органы пра гэта не праінфармуюць яго асабіста.

"Калі хтосьці там гаворыць, што міліцыя, КДБ, пракуроры ўзялі ўладу і кіруюць краінай — поўная лухта", — цытуе словы Аляксандра Лукашэнкі БЕЛТА.