Лукашэнка: Беларусь гатовая прыняць украінцаў, якія захочуць эміграваць
Пра гэта кіраўнік дзяржавы заявіў падчас наведвання прадпрыемства "Слуцкія паясы".
"Яны просяцца да нас, трэба думаць, — цытуе словы Аляксандра Лукашэнкі "Интерфакс-Запад". — Нікуды не дзенешся — давядзецца кагосьці з нашых братоў і сясцёр забіраць".
Паводле слоў Лукашэнкі, у Беларусі гатовыя ўладкаваць украінскіх эмігрантаў. У той жа час ён адзначыў, што "лепш, каб там было ціха і спакойна — і нам было б лепш і ім добра".
Работнікі прадпрыемства падзякавалі Лукашэнку "за мір і спакой у Беларусі".
Фота — АР
