Лукашэнка і Зяленскі абмеркавалі магчымую экстрадыцыю затрыманых расіян
![Лукашэнка і Зяленскі абмеркавалі магчымую экстрадыцыю затрыманых расіян](/sites/default/files/styles/gallery_main/public/2023-08/76a6ae72ba166dd1032f63f32d8e3d2f.jpeg.webp?itok=poNxPKK6)
Аляксандр Лукашэнка і Уладзімір Зяленскі абмеркавалі магчымую экстрадыцыю затрыманых у Беларусі расіян, паведамляе прэс-служба ўкраінскага прэзідэнта. Прэс-служба беларускага кіраўніка падкрэслівае, што тэлефонная размова адбылася з ініцыятывы ўкраінскага боку.
Падкрэсліваецца, што тэму затрыманых расіян Лукашэнка і Зяленскі разглядалі падрабязна. Адзначалася важнасць "далейшага эфектыўнага ўзаемадзеяння кампетэнтных органаў двух дзяржаў, у тым ліку ў кантэксце перадачы Украіне асоб, што падазраюцца ў тэрарыстычнай дзейнасці на [украінскай] тэрыторыі".
Зяленскі выказаў спадзяванне, што "усе падазраваныя ў тэрарыстычнай дзейнасці на тэрыторыі Украіны будуць... перададзены для прыцягнення да крымінальнай адказнасці".
Лукашэнка адзначыў, што праваахоўныя органы будуць супрацоўнічаць па гэтым пытанні ў рамках падпісаных міжнародных пагадненняў з Расіяй і Украінай.
Тэма і змест размовы кіраўнікоў Беларусі і Украіны безумоўна выкліча буру абурэння ў Расіі.
33 грамадзяніны Расіі былі затрыманыя ў Беларусі 29 ліпеня. Было заяўлена, што яны прыбылі для "дэстабілізацыі сітуацыі" ў краіне напярэдадні прэзідэнцкіх выбараў. Масква называе гэта "спектаклем", настойвае, што расіяне былі ў нашай краіне транзітам.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.