Лукашэнка паехаў у корпус РНПЦ "Маці і дзіця", пабудаваны на замежныя грошы
31 снежня Аляксандр Лукашэнка паехаў у новы корпус Рэспубліканскага навукова-прктычнага цэнтра (РНПЦ) "Маці і дзіця", дзе даглядаюць дзяцей з рэкордна нізкай масай цела.
Варта зазначыць, што корпус гэты пабудаваны не на бюджэтныя грошы, а на замежныя — у рамках праекта Сусветнага банка. Інфармацыя пра гэта ёсць на сайце самога РНПЦ.
Як адзначае прэс-служба Мінздароўя, корпус быў здадзены ў эксплуатацыю ў лістападзе 2021 года. "Гэта адзіны комплекс VI тэхналагічнага ўзроўню аказання перынатальнай дапамогі. Ён складаецца з аддзялення анестэзіялогіі і рэанімацыі (з палатамі для нованароджаных дзяцей), выязной рэанімацыйна-кансультатыўнай брыгады", — кажуць у ведамстве.
Такім чынам, сённяшні піяр Лукашэнкі адбудзецца на фоне фінансавай дапамогі таго самага Захаду, які ён пастаянна крытыкуе.
