Лукашэнка перанёс камандзіроўку дзеля сустрэчы з Кучмам
![Лукашэнка перанёс камандзіроўку дзеля сустрэчы з Кучмам](/sites/default/files/styles/gallery_main/public/2023-08/000374_585996.jpg.webp?itok=AyRi3qUQ)
Аляксандр Лукашэнка перанёс камандзіроўку дзеля сустрэчы з экс-прэзідэнтам Украіны Леанідам Кучмам. 5 чэрвеня яны паразмаўлялі перад пасяджэннем у Мінску Трохбаковай кантактнай групы па ўрэгуляванні сітуацыі на ўсходзе Украіны. Кучма пакінуў групу восенню мінулага года і вярнуўся ў яе ўжо пры новым украінскім прэзідэнце Уладзіміры Зяленскім.
"Нягледзячы на тое, што я сёння ў камандзіроўцы павінен быць, перанёс яе дзеля таго, каб сустрэцца з вамі і абмеркаваць тыя пытанні, якія павінны вырашацца ў двухбаковым, а можа, і шматбаковым фарматах", — сказаў кіраўнік дзяржавы.
Падчас размовы з Лукашэнкам Кучма падкрэсліў, што ён супраць змены мінскай перамоўнай пляцоўкі на іншую. Ён адзначыў, што разлічвае на персанальную дапамогу беларускага кіраўніка і Беларусі ў вырашэнні праблем на перамовах.