Лукашэнка: У Мінску будаваць практычна забараняецца (відэа)

Пра гэта Аляксандр Лукашэнка заявіў 17 студзеня па выніках нарады, прысвечанай пытанням будаўніцтва на тэрыторыі Мінскай вобласці жылых раёнаў для жыхароў Мінска.

"Мы не можам такімі тэмпамі ў Мінску весці будаўніцтва, як гэта было дагэтуль, — цытуе словы Лукашэнкі БЕЛТА. — Мы ўжо перенасыцілі насельніцтвам горад і пачынаем атрымліваць ад гэтага пэўныя праблемы. Таму будаўніцтва ў Мінску жылля, ды і аб'ектаў прамысловай і іншай інфраструктуры, — як выключэнне... У Мінску будаваць практычна забараняецца, за выключэннем таго, дзе гэта трэба".

Кіраўнік дзяржавы падкрэсліў, што тэрытарыяльныя магчымасці сталіцы ўжо вычарпаныя і для забяспячэння людзей жыллём, і для размяшчэння вытворчасці. Разам з тым Аляксандр Лукашэнка адзначыў, што ўнутры Мінскай кальцавой аўтадарогі ёсць яшчэ зямельныя ўчасткі, якія можна аддаць пад забудову.
 

Лукашэнка крытыкуе Мясніковіча і Ладуцьку: Колькі можна боўтацца!
 

Фота — БЕЛТА