Магутны выбух на хімічным заводзе ў Данецку (фота)
Ён прагрымеў удзень 20 кастрычніка.
Ад ударнай хвалі вылецела шкло ў будынках у радыусе некалькіх кіламетраў, паведамляе ВВС. Прычынай выбуху, як мяркуецца, магло стаць пападанне снарада на тэрыторыю завода. Таксама ёсць інфармацыя, што ядавітыя рэчывы ў выніку выбуху ў атмасферу не трапілі.
Сутыкненні на ўсходзе Украіны працягваюцца, нягледзячы на падпісанае 5 верасня пагадненне аб перамір'і.
