Макей распавёў Лукашэнку, за кошт чаго вырас беларускі экспарт
![Макей распавёў Лукашэнку, за кошт чаго вырас беларускі экспарт](/sites/default/files/styles/gallery_main/public/2023-08/makiej-1801.jpg.webp?itok=0Y3xpbEd)
На сустрэчы Аляксандра Лукашэнкі з міністрам замежных спраў Уладзімірам Макеем 18 студзеня абмяркоўваліся аптымізацыя ў МЗС і развіццё знешнеэканамічнай дзейнасці.
Як паведамляе прэс-служба кіраўніка дзяржавы, Лукашэнку ў першую чаргу цікавілі вынікі знешнеэканамічнай дзейнасці. "У першым набліжэнні я знаёмы з вынікамі. Але ў вас гэта больш дакладная інфармацыя. І некалькі слоў пра перспектывы ў плане дыверсіфікацыі знешняга гандлю, дзейнасці нашых амбасадаў", — абазначыў ён напрамак гутаркі.
Па словах Макея, знешнеэканамічная дзейнасць па выніках 2017 года паказвае станоўчыя тэндэнцыі. "Адбыўся рост экспарту на 23%. Прычым на дзве траціны гэта адбылося за кошт росту цэнаў, але на адну траціну — за кошт фізічнага росту экспарту. Таму ў цэлым гэта можна лічыць станоўчай тэндэнцыяй", — зрабіў выснову міністр.
Ён дадаў, што ў дыверсіфікацыі экспарту таксама ёсць зрухі, але ў гэтай сферы трэба яшчэ вельмі шмат працаваць.