Мінінфарм Беларусі заблакаваў сайты "Наша Ніва" і Naviny.by
Блакаванне сайтаў у Беларусі / pexels.com
У пятніцу ноччу стала вядома, што сайты nn.by і naviny.by — заблакаваныя ўвечары 28 жніўня па рашэнні Міністэрства інфармацыі.
Абаненты некаторых беларускіх інтэрнэт-правайдэраў, напрыклад А1, убачылі інфармацыйнае паведамленне аб тым, што "доступ да інфармацыйнага рэсурсу абмежаваны на падставе рашэння Міністэрства інфармацыі Рэспублікі Беларусь, прынятага ў адпаведнасці з законам Рэспублікі Беларусь "Аб сродках масавай інфармацыі".
Як паведамляюць naviny.by за некалькі гадзін да гэтага кіраўнікі БелаПАН, "Нашай Нівы" і яшчэ некалькіх незалежных беларускіх СМІ былі запрошаныя на сустрэчу з прадстаўнікамі Міністэрства інфармацыі і МУС, для абмеркавання працы СМІ падчас масавых мерапрыемстваў і праблему затрымання журналістаў.
Ніякіх прэтэнзій да naviny.by і nn.by ня выказвалася.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
