У Беларусі за год абмежавалі доступ да 3388 "дэструктыўных рэсурсаў"
![У Мінінфармацыі лічаць, што займаюцца "важнай работай"](/sites/default/files/styles/gallery_main/public/2024-01/matrix-2883623_1280.jpg.webp?itok=mhsXQgj9)
У Мінінфармацыі лічаць, што займаюцца "важнай работай" / pixabay.com
У Беларусі за мінулы год Мінінфармацыі абмежавала доступ да 3388 "дэструктыўных рэсурсаў". Пра гэта ў сераду на сустрэчы з ідэалагічным актывам Мінскай вобласці паведаміў намеснік кіраўніка адміністрацыі Лукашэнкі, экс-міністр інфармацыі Уладзімір Пярцоў.
"Гэта і продаж наркотыкаў, і парнаграфія, і рэсурсы, якія рэкрутуюць і распавядаюць аб розных экстрэмісцкіх фарміраваннях", — заявіў Пярцоў.
Здараліся і кур'ёзныя выпадкі. Летась за "шматлікія парушэнні" закона аб СМІ абмежавалі доступ да сайта, якога няма. Проста не змаглі правільна напісаць адрас. І такое здарылася не ўпершыню.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.