Мінск наведае намеснік памочніка дзяржсакратара ЗША па справах Еўропы і Еўразіі
![Мінск наведае намеснік памочніка дзяржсакратара ЗША па справах Еўропы і Еўразіі](/sites/default/files/styles/gallery_main/public/2023-08/bffa1b25-0d79-4ca4-acec-208a0a19e6f2.jpg.webp?itok=nkBQikNB)
У аўторак, 18 кастрычніка, Мінск наведае намеснік памочніка дзяржсакратара ЗША па справах Еўропы і Еўразіі Брыджыт Брынк. Запланаваныя сустрэчы як з афіцыйнымі асобамі, так і з прадстаўнікамі апазіцыі, грамадзянскай супольнасці, паведамляе БелаПАН са спасылкай на прэс-службу пасольства Злучаных Штатаў Амерыкі.
Гэта першы візіт дэлегацыі Дзярждэпартамента ЗША ў Мінск пасля парламенцкіх выбараў, якія прайшлі ў нашай краіне 11 верасня. Вядома, што Брынк наведвала Беларусь у траўні. Тады яна заявіла, што Злучаныя Штаты заклікаюць афіцыйны Мінск да паляпшэння сітуацыі ў сферы дэмакратыі.