Мірны і Б’ёркман выйшлі ў чвэрцьфінал турніру ў Санкт-Пецярбургу

Беларус Максім Мірны і швед Ёнас Б’ёркман вышлі ў чвэрцьфінал парнага разраду турніру у Санкт-Пецярбургу з прызавым фондам 1 мільён долараў.
У матчы першага круга 24 кастрычніка "пасеяны" пад другім нумарам беларуска-шведскі дуэт перайграў Джасціна Гімельстоба (ЗША) і Ігара Куніцына (Расія) — 6:1, 6:2.

У чвэрцьфінале Мірны і Б’ёркман згуляюць супраць пары Францішак Чэрмак (Чэхія)/Міхаіл Южны (Расія).

БелаПАН