Мясніковіч: Да канца года сярэдні заробак беларусаў складзе $598 (відэа)
Прэм'ер-міністр Беларусі Міхаіл Мясніковіч нагадаў, што ў 2010-м ён складаў 408 долараў.
Таму рост заробкаў беларусаў складзе 144%, адзначыў прэм'ер.
Пры гэтым Міхаіл Мясніковіч звярнуў увагу на тое, што доларавыя цэны на асноўныя спажывецкія тавары за гэты час выраслі значна менш: свініна і каўбасы падаражэлі толькі на 8%, масла — на 14%, малако — на 27% да ўзроўню 2010 года. Паводле Мясніковіча, некаторыя паслугі жыллёва-камунальнай гаспадаркі знізіліся ў доларавых коштах да 55-70% да ўзроўня 2010-га.
"Гэта значыць рэальная пакупніцкая здольнасць насельніцтва значна вырасла", — цытуе словы прэм'ер-міністра БЕЛТА.
Валавы ўнутраны прадукт, кажа Мясніковіч, дасягне па выніках бягучага года максімальнага ў сваёй гісторыі значэння — каля 70 мільярдаў долараў.
Фота — minsknews.by
