МЗС пацвердзіла гібель трох беларусаў у Карпатах, васьмёра дастаўленыя ў лякарню
Фота: dsns.gov.ua
У грузавіку, які зваліўся ў раку ў Івана-Франкоўскай вобласці Украіны, знаходзіліся беларусы. Трое з іх загінулі, яшчэ васьмёра дастаўленыя ў лякарню, паведамляе МЗС Беларусі.
"У ДТЗ з грузавіком у Івана-Франкоўскай вобласці Украіны загінулі 3 грамадзян Беларусі, 8 дастаўлены ў бальніцу з траўмамі лёгкай і сярэдняй ступені цяжкасці".
Пасольства Беларусі ва Украіне кантактуе з украінскім бокам і працягвае аказваць неабходную дапамогу.
Трагедыя адбылася 6 траўня каля 11 гадзін раніцы. У аўтамабілі ехалі 24 чалавекі — 23 турысты і кіроўца. Па інфармацыі Нацыянальнай паліцыі Украіны, турысты збіраліся зладзіць сплаў па рэчцы і накіроўваліся да месца яго пачатку. Пакуль невядома, па якой прычыне грузавік апынуўся ў рацэ.
Падчас пошукаў былі знойдзеныя целы траіх чалавек без прыкметаў жыцця — мужчыны, які быў кіраўніком групы, і дзвюх жанчын. Ратавальнікі паведамілі, што яны выратавалі трох чалавек, а 16 выратаваліся самастойна.
В ДТП с грузовиком в Ивано-Франковской области #Украины погибли 3 граждан #Беларуси, 8 доставлены в больницу с травмами легкой и средней степени тяжести @BelarusEmbUkr в контакте с украинской стороной продолжает работу по оказанию необходимой помощи, дежурный консул +380504062330
— МИД Беларуси (@BelarusMID) 6 мая 2019 г.
