МЗС Украіны: наша дэлегацыя паедзе на перамовы з ЕС (відэа)
Яны мусяць адбыцца на бягучым тыдні.
Пра гэта заявіў міністр замежных спраў Украіны Леанід Кажара. Паводле яго словаў, на перамовах з Еўрасаюзам будуць абмяркоўвацца пытанні аб цэнах на газ, будзе ісці гаворка пра фінансавую міжнародную дапамогу і пра падзенне тавараабароту з ЕС.
Нагадаем, напярэдадні віленскага саміту "Усходняга партнёрства" ўрад Украіны, пад ціскам Расіі, адклаў падпісанне дамовы аб асацыяцыі з ЕС. Гэта выклікала масавыя акцыі пратэсту, якія дагэтуль працягваюцца ў Кіеве і іншых гарадах Украіны.
Фота — Reuters
