На бераг Фларыды выкінула таямнічы апарат савецкай вытворчасці (фота)

На бераг Фларыды падчас нядаўняга ўрагану “Ірма” выкінула таямнічы апарат савецкай вытворчасці. Верагодна, яго маглі выкарыстоўваць сіноптыкі для атрымання дадзеных пра тэмпературу, вільготнасць, вышыню хваляў, накірунак ветру. Амерыканцы мяркуюць, што знаходзіўся апарат каля Кубы — яго паслугамі карысталіся савецкія падводныя лодкі і караблі, якія курсіравалі паміж “востравам свабоды” і Савецкім Саюзам. Атрымліваецца, што ён “эміграваў” у ЗША, праплыў сотні кіламетраў, інфармуе сайт sun-sentinel.com.