На Еўра-2016 Хацкевіч балее за Іспанію, Кандрацьеў — за Украіну і Славакію
![На Еўра-2016 Хацкевіч балее за Іспанію, Кандрацьеў — за Украіну і Славакію](/sites/default/files/styles/gallery_main/public/2023-08/gl_2.jpg.webp?itok=-2AWfVG0)
Былы трэнер нацыянальнай зборнай Георгій Кандрацьеў сімпатызуе Славакіі і Украіне, а ставіць на Іспанію. Форвард "БАТЭ" Віталь Радзівоўнаў аддае перавагу Германіі.
10 чэрвеня ў Францыі стартуе чэмпіянат Еўропы па футболе. Сярод 24 каманд-удзельніц, на жаль, няма зборнай Беларусі, але ж інтарэс да падзеі ад гэтага меншым не становіцца. Цікавімся, за каго будуць балець на Еўра-2016 беларускія трэнеры і футбалісты.
![На Еўра-2016 Хацкевіч балее за Іспанію, Кандрацьеў — за Украіну і Славакію](/sites/default/files/styles/round_photo/public/paragraphs/round_photo/xackevich.jpg.webp?itok=bq1Bcy_U)
Аляксандр Хацкевіч, галоўны трэнер зборнай Беларусі:
“Нейкіх сімпатый асабліва няма. Але буду балець за іспанцаў, бо гэта футбол, які прыносіць радасць гледачам. Мінулы чэмпіянат у іх не атрымаўся, таму цікава, як яны справяцца гэтым разам”.
![На Еўра-2016 Хацкевіч балее за Іспанію, Кандрацьеў — за Украіну і Славакію](/sites/default/files/styles/round_photo/public/paragraphs/round_photo/bye8863eb2242.jpg.webp?itok=1Hx3Hdyv)
Анатоль Капскі, старшыня праўлення БАТЭ:
"Балець буду за Расію, у мяне там працуюць знаёмыя, ёсць футбалісты, якія мне падабаюцца. На першае месца прэтэндуюць Германія, Іспанія, Францыя, Бельгія. Цікава, як выступіць Бельгія, бо яна лічыцца самай перспектыўнай зборнай".
![На Еўра-2016 Хацкевіч балее за Іспанію, Кандрацьеў — за Украіну і Славакію](/sites/default/files/styles/round_photo/public/paragraphs/round_photo/kondr.jpg.webp?itok=3WgGxHNK)
Георгій Кандрацьеў, трэнер ФК "Мінск", былы настаўнік зборнай Беларусі:
"Я буду сімпатызаваць Славакіі і Украіне, бо гэта нашы суседзі па падгрупе, мы з імі гулялі. Але галоўныя тры фаварыты: Германія, Францыя і Іспанія”.
![На Еўра-2016 Хацкевіч балее за Іспанію, Кандрацьеў — за Украіну і Славакію](/sites/default/files/styles/round_photo/public/paragraphs/round_photo/radzivonau.jpg.webp?itok=9Wd0Tde4)
Віталь Радзівонаў, нападаючы БАТЭ і зборнай Беларусі:
"Я аддаю перавагу нямецкай зборнай. Мне падабаецца, як у іх пабудаваная праца. Выйграць чэмпіянат могуць тыя самыя немцы, італьянцы і іспанцы. Могуць быць усялякія нечаканасці, але нешта дакладна сказаць складана. Хтосьці можа "выстраліць"".
![На Еўра-2016 Хацкевіч балее за Іспанію, Кандрацьеў — за Украіну і Славакію](/sites/default/files/styles/round_photo/public/paragraphs/round_photo/gleb_3.jpg.webp?itok=hJ_0kkrQ)
Аляксандр Глеб, паўабаронца зборнай Беларусі і турэцкага “Генчлербірлігі”:
“Балець ні за каго не буду, але за матчамі буду сачыць. Мне падаецца, што на першыя месцы будуць прэтэндаваць немцы і іспанцы”.
![На Еўра-2016 Хацкевіч балее за Іспанію, Кандрацьеў — за Украіну і Славакію](/sites/default/files/styles/round_photo/public/paragraphs/round_photo/gutar.jpg.webp?itok=Ij-p0mb6)
Аляксандр Гутар, варатар мінскага “Дынама”:
“Балець я буду за дзве зборныя, Іспаніі і Расіі. За Расію, бо гэта суседзі. А наконт Іспаніі… Мне падабаецца той футбол, які яны паказваюць. І на маю думку, яны галоўны прэтэндэнт на перамогу. Але таксама будзе моцная зборная Францыі”.
![На Еўра-2016 Хацкевіч балее за Іспанію, Кандрацьеў — за Украіну і Славакію](/sites/default/files/styles/round_photo/public/paragraphs/round_photo/semenov.jpg.webp?itok=xeKHHBa8)
Ягор Сямёнаў, паўабаронца “Крумкачоў”:
“Балець буду за Расію, за суседзяў. Па традыцыі, фаварытамі будуць Іспанцы і гаспадары французы. Нейкіх “цёмных конікаў”, якія сябе сёлета праявяць, мне назваць цяжка”.
Бонус:
![На Еўра-2016 Хацкевіч балее за Іспанію, Кандрацьеў — за Украіну і Славакію](/sites/default/files/styles/round_photo/public/paragraphs/round_photo/zaxarau.jpg.webp?itok=6OH7sLyg)
Міхаіл Захараў, галоўны трэнер ХК "Юнацтва":
"Буду балець за іспанцаў. У іх вясёлы чэмпіянат, футбалісты добрыя, арганізацыя. У Лізе чэмпіёнаў дзве каманды, у Лізе Еўропы таксама. Сярод фаварытаў яшчэ Англія. А яшчэ хачу пабалець за Аўстрыю, бо мяркую, што пакажуць добрую гульню".
![На Еўра-2016 Хацкевіч балее за Іспанію, Кандрацьеў — за Украіну і Славакію](/sites/default/files/styles/round_photo/public/paragraphs/round_photo/beregkou.jpg.webp?itok=ByWUdAde)
Уладзімір Беражкоў, былы гендырэктар ХК "Дынама-Мінск", супрацоўнік Федэрацыі футбола:
"Заўжды балею за слабага. Знаходжу сабе прадмет спачування, каго пакрыўдзілі суддзі. Загадзя сказаць, хто гэта будзе, не магу, але разбяруся з першага матча”.
Першы матч "Еўра-2016" паміж Румыніяй і Францыяй пачнецца 10 чэрвеня ў 22:00 па беларускім часе. Завяршыцца чэмпіянат 10 ліпеня.
Фота: by.tribuna.com, pressbal.by