На Маскоўскім кінафестывалі пакажуць фільм "Сашава пекла" беларускага рэжысёра
На Маскоўскім кінафестывалі пакажуць фільм "Сашава пекла" беларускага рэжысёра Мікіты Лаўрэцкага, інфармуе russorosso.ru. Ужо адбылася прэм'ера трэйлера. Рэпер Олі, які толькі набірае папулярнасць, сустракаецца са сваім замежным віртуальным суаўтарам Сашам. Далей падзеі разгортваюцца імкліва і пачынаюць адпавядаць назве стужкі.
Фільм Лаўрэцкага называюць "змрочнай драмай", сам ён пра яго гаворыць, як пра эма-хорар. Сцэнар ён напісаў разам з мексіканцам Рэем Козам.
Маскоўскі кінафестываль адкрыецца 18 красавіка.
