На мяжы затрымлівалі Лябедзьку і Рымашэўскага — знайшлі ўлёткі (фота)
Раніцай 8 верасня на беларуска-літоўскай мяжы ў пункце пропуску Катлоўка затрымлівалі лідара Аб'яднанай грамадзянскай партыі Анатоль Лябедзьку і аднаго з кіраўнікоў аргкамітэта па стварэнні партыі "Беларуская хрысціянская дэмакратыя" Віталя Рымашэўскага. Яны ехалі на аўтамабілі на канферэнцыю ў Вільню. Рымашэўскі напісаў у Facebook, што мытнікі знайшлі ўлёткі некалькіх незалежных кандыдатаў у дэпутаты Палаты прадстаўнікоў.
Па словах апазіцыйных палітыкаў, іх адпусцілі неўзабаве пасля таго, як інфармацыя пра затрыманне з'явілася ў СМІ.
