На парадзе 3 ліпеня па Мінску пройдуць 170 расійскіх дэсантнікаў
Яны будуць прадстаўляць пскоўскую 76-ю дэсантна-штурмавую дывізію.
Пра гэта паведамляе Пскоўскае агенцтва інфармацыі са спасылкай на прэс-службу Мінабароны Расіі.
Дарэчы, расійскія дэсантнікі ўдзельнічаюць у парадах на Дзень Незалежнасці Беларусі з 2011 года.
Гісторыя пскоўскай 76-й дывізіі шчыльна звязаная з гісторыяй Беларусі. У час Другой сусветнай вайны ў складзе Першага, а затым Другога Беларускіх франтоў байцы дывізіі ўдзельнічалі ў баях з фашыстамі на тэрыторыі Беларусі.
Фота — pln-pskov.ru
