У Мінабароны Беларусі паведамілі пра прыбыццё ваеннай тэхнікі з Расіі
Ваенная тэхніка з Расіі ў Беларусі / t.me/modmilby/
У чацвер у Мінабароны Беларусі паведамілі пра прыбыццё ваеннай тэхнікі з Расіі (гаўбіцы, мінамётныя комплексы ды іншае). Яна паўдзельнічае ў ваенным парадзе 3 ліпеня, прысвечаным Дню незалежнасці РБ.
Намеснік начальніка ўзбраення Узброеных сіл Беларусі палкоўнік Сяргей Томчык нагадвае, што "гэта не першы разлік з Расійскай Федэрацыі" — раней прыбылі разлікі Т-34, і яны ўжо ўдзельнічаюць у трэніроўках.
У апошнія гады ваенны парад на 3 ліпеня ў Мінску не праводзіўся. Сёлета ён прымеркаваны да 80-годдзя вызвалення Беларусі ад нямецка-фашысцкіх захопнікаў.
