На пажары ў Мінску выратаваныя шэсць чалавек
27 сакавіка ў 13.10 мінскія ратавальнікі атрымалі паведамленне пра пажар у пад'ездзе дзевяціпавярховіка на вуліцы Ігнатоўскага, паведамляе прэс-служба МНС.
Прыбыўшы да месца выкліку, падраздзяленні МНС заўважылі, што з акна пад'езда на дзявятым паверсе ідзе дым. Выявілася, што на лесвічнай пляцоўцы загарэлася смецце.
Работнікі МНС выратавалі з кватэраў дзявятага паверха пры дапамозе масак шэсць чалавек, у тым ліку трох дзяцей. Пацярпелых пры здарэнні няма.
Пажар быў лакалізаваны і ліквідаваны ратавальнікамі. Сцены і столь лесвічнай пляцоўкі былі закураныя агнём.
Мяркуецца, што прычынай пажару стала неасцярожнае абыходжанне з агнём.
