На пераходзе ў Брэсце маршрутка насмерць збіла школьніка (фота)

Увечары 4 сакавіка ў Брэсце пад коламі маршруткі загінуў хлопчык, піша brestcity.com. 

Трагедыя адбылася на пешаходным пераходзе пры павароце з вуліцы Маскоўскай на вуліцы 28 Ліпеня. Па словах відавочцаў, якія перада virtualbrest.by, аўтамабілі паварочвалі на зялёны сігнал святлафора, калі на пераход нечакана выбег хлопчык гадоў дзесяці. Ён таксама бег на дазвольны сігнал святлафора. З якой прычыны кіроўца не заўважыў дзіця, цяпер высвятляецца.

На месца здарэння адразу выклікалі медыкаў, аднак выратаваць жыццё школьніку не ўдалося.