На прадпрыемстве "Белвест" у Віцебску здарыўся пажар
![На прадпрыемстве "Белвест" у Віцебску здарыўся пажар](/sites/default/files/styles/gallery_main/public/2023-08/belvest-2703-1.jpg.webp?itok=2OlQIRJk)
На прадпрыемстве "Белвест" адбылося ўзгаранне ў вентыляцыйным канале вытворчага цэха, паведамляе Віцебскае абласное ўпраўленне МНС.
Ратавальнікі атрымалі інфармацыю пра здарэнне ў аўторак у 11.18. На месца здарэння выехалі 10 адзінак спецтэхнікі. Супрацоўнікі МНС выявілі задымленне на чацвёртым і тэхнічным паверхах. Таксама яны выявілі пажар у паветраводзе выцяжной вентыляцыі галоўнага вытворчага корпуса "Белвесту".
На момант пажару ў цэху працавалі 39 чалавек. Усе яны выйшлі самастойна, пацярпелых няма.
Пажар удалося ліквідаваць на працягу сямі хвілінаў. Тэхналагічны працэс не быў спынены. Прычына пажару высвятляецца.
Ад агню ў вытворчым цэху пашкоджаны паветравод выцяжной вентыляцыі на ўчастку даўжынёй 5 м.