На смаргонца пачалі крымінальную справу за збіццё снежнай бабы
У Смаргоні крымінальную справу за хуліганства пачалі на мясцовага 23-гадовага жыхара, піша s13.ru.
Малады чалавек ішоў нападпітку зранку па плошчы. І, праходзячы міма святлодыёдных дэкаратыўных фігур, нечакана накінуўся на адну з іх: пачаў біць нагамі і ламаць снежную бабу.
Гэта заўважыла вартаўніца райвыканкама і націснула кнопку трывожнай сігналізацыі. На месца здарэння прыбылі супрацоўнікі Дэпартамента аховы і патрульна-паставой службы міліцыі. Пабачыўшы міліцыянтаў, смаргонец уцякаць, але нарад аховы яго спыніў.
