На волю выйшлі два затрыманыя па "справе Рабочага руху"
На волю выйшлі два чалавекі, затрыманыя па "справе Рабочага руху", паведамляюць праваабаронцы "Вясны".
Гэта супрацоўнік "Гродна-Азота" Андрэй Башан, затрыманы пасля начной змены 23 верасня ў цэху "Аміяк-3", і супрацоўнік "Хімвалакна" Вадзім Яфіменка.
Раней паведамлялася, што яны трапілі ў СІЗА КДБ.
КДБ пачаў крымінальную справу супраць удзельнікаў страйкавага руху і незалежных прафсаюзаў паводле арт. 356 Крымінальнага кодэкса (здрада дзяржаве). Паведамлялася, што па гэтый справе затрымалі 13 чалавек.
