Надвор'е на нядзелю 23 кастрычніка: туман і да +16 па паўднёвым захадзе

У нядзелю 23 кастрычніка ў Беларусі чакаецца воблачнае з праясненнямі надвор'е, паведамляе Рэспубліканскі цэнтр па гідраметэаралогіі, кантролі радыёактыўнага забруджвання і маніторынгу навакольнага асяроддзя Мінпрыроды. Уначы і раніцай у асобных раёнах магчымы слабы туман, вецер — умераны — паўднёвы з пераходам на заходні. Удзень і ўвечары ў некаторых гарадах пройдуць кароткачасовыя дажджы.

Уначы тэмпература паветра складзе ад 4-х да 10-ці градусаў цяпла. Днём будзе +7+13, па паўднёвым захадзе — да +16-ці.