Наступствы суботняга ўрагану ў Мінску ліквідуюць да 17 ліпеня
Наступствы ўрагану ў Мінску / minsknews.by
Ураган, які прайшоў па Мінску ў суботу, паваліў каля 170 дрэваў, пішуць "Мінск-Навіны".
Працу па прыбіранні дрэваў камунальныя службы і МНС павінны завяршыць да 17 ліпеня. Такое даручэнне даў ім старшыня Мінгарвыканкама Уладзімір Кухараў.
Ён заклікаў звярнуць асаблівую ўвагу на таполі і вербы ды прыбраць тыя з іх, якія ўяўляюць пагрозу.
Падчас шторму 13 ліпеня ў Мінску дрэва, якое павалілася на Цнянскім вадасховішчы, траўмавала трох чалавек, адна адпачывальніца загінула. На мужчыну і падлетка ўпала шкло каля завода "Гарызонт". Яшчэ на аднаго маладога чалавека абвалілася цагляная сцяна.
