Навальніцы і ўжо амаль +30 градусаў: прагноз надвор'я на 2 чэрвеня
Прырода Беларусі / Еўрарадыё
Аранжавы ўзровень небяспекі аб'яўлены ў Беларусі на 2 чэрвеня праз навальніцы, якія пройдуць па большай частцы краіны. А ў асобных раёнах сіноптыкі прагназуюць град. Так што другі дзень лета будзе няпростым, не забывайце дома парасоны!
Вецер 2 чэрвеня будзе ўмераным, але пры навальніцах ён ператворыцца ў парывісты, а месцамі ўдзень — у моцна парывісты. Тэмпература паветра ўначы складзе ад 11 да 17 градусаў цяпла. Удзень паветра прагрэецца да 22-28 градусаў . Такі прагноз даюць у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
