Не страшнейшы? Што навукоўцы ведаюць пра "омікрон", які захоплівае свет

20/01/2022 - 12:18

Лекар у пандэмію каранавіруса / Unsplash

Лекар у пандэмію каранавіруса / Unsplash

Штам каранавіруса "омікрон" дамінуе ўжо ў многіх краінах свету. Калі гэта адбудзецца ў Беларусі — пытанне найбліжэйшага месяца, бо самым частым штам стаў у тым ліку ў многіх рэгіёнах у суседзяў.

Спачатку пра новы штам навукоўцы і лекары ведалі вельмі мала, але паступова звестак становіцца больш. Расказваем галоўнае пра "омікрон".

Няўжо менш небяспечны?

Не страшнее, но опаснее. Что учёные знают об "омикроне", который захватывает мир

Неўзабаве пасля выяўлення "омікрона" з'явіліся звесткі пра тое, што ў цэлым ён менш небяспечны. Напрыклад, навукоўцы з ПАР з 1 кастрычніка да 6 снежня прааналізавалі звесткі аб 161 тысячы хворых у краіне. Да пачатку снежня "омікрон" быў у пераважнай большасці хворых.

Пры гэтым у пацыентаў з пацверджаным "омікронам" былі больш нізкія шанцы трапіць у лякарню. Рызыка цяжкага ходу хваробы таксама была прыкметна ніжэйшая, чым у тых, хто заразіўся "дэльтай". Зрэшты, навукоўцы меркавалі, што сярод прычын можна назваць і высокі папуляцыйны імунітэт.

Падобныя вынікі назіралі і амерыканскія навукоўцы, якія параўналі звесткі па 52 тысячах пацыентаў з "омікронам" і амаль 17 тысячах — з "дэльтай".

Цяпер лічбы: сярод тых, хто заразіўся "омікронам", у лякарню трапілі 0,5%, а "дэльтай" — 1,3%. Фактычна рызыка шпіталізацыі ніжэйшая на 53%, смерці — на (!) 81%. У цэлым у інфікаваных "омікронам" быў меншы час знаходжання ў лякарні і больш нізкая рызыка цяжкіх канцоў (уключаючы смерць).

NEW: Study on severity of those infected with the #OmicronVariant compared to the #DeltaVariant:
⬇️53% less risk of symptomatic hospitalization
⬇️74% less risk of ICU admission
⬇️91% less risk of death
0⃣Omicron patients required mechanical ventilation
https://t.co/to2swFYF5Q pic.twitter.com/LZYf0t3CGY
— Rochelle Walensky, MD, MPH (@CDCDirector) January 12, 2022

Хвалі (магчыма) сыходзяць

Апошнія звесткі з ЗША абнадзейваюць: рэзкі рост захваральнасці на каранавірус пачаў ісці на спад. Тут, як і ў ПАР, Вялікабрытаніі ці Францыі, з прыходам "омікрона" колькасць заражаных спачатку прыкметна вырасла, але цяпер гэтаксама раптоўна пачынае зніжацца.

Зніжэнне ўжо найбольш прыкметнае ў рэгіёнах, якія першымі прынялі на сябе ўдар "омікрона".

Што будзе далей, навукоўцы робяць здагадкі. Напрыклад, адзін з самых паважаных амерыканскіх інфекцыяністаў Энтані Фаўчы выказвае надзею, што каранавірус працягне развівацца ў бок больш распаўсюджанага, але менш небяспечнага патагену. Фактычна гэта б азначала, што вірус заставаўся б з намі заўсёды, але праз меншую небяспеку і высокі папуляцыйны імунітэт большасць пераносіла б яго лёгка.

У вас можа паўстаць пытанне: чаму адны звесткі паказваюць, што "омікрон" можа пераносіцца лягчэй, а іншыя — што з ім вышэйшая рызыка шпіталізацыі? Рэч у некалькіх фактарах: не толькі ўменні "абыходзіць" імунітэт, але і хуткасці распаўсюджвання. І важна ўлічваць, што падвышэнне рызыкі шпіталізацыі не азначае падвышэння рызыкі цяжкага ходу хваробы.

Думаць, што "омікрон" — амаль што "прастуда", занадта аптымістычна і не адпавядае наяўным звесткам. Зрэшты, празмерна панікаваць таксама не варта.

Дык што ж рабіць?

Рашэль Валенскі, кіраўніца амерыканскага цэнтра па кантролі і прафілактыцы захворванняў, заявіла пра тое, што "омікрон" куды больш заразны, але пры гэтым выхад яна бачыць у выкарыстанні мер засцярогі: мінімізацыя кантактаў, маскі, вакцынацыя.

Падобнай пазіцыі прытрымліваецца большасць медыкаў і даследчыкаў. Сёння зразумела, што вакцыны не змогуць "падпарадкаваць" сабе каранавірус, але гэта не падстава ад іх адмаўляцца. Калі ў вакцынаваных рызыка цяжкага ходу прыкметна ніжэйшая, то гэта ўжо дастатковая нагода для таго, каб зрабіць прышчэпку.

Калі верыць афіцыйным звесткам, больш за 44% беларусаў ужо прайшлі курс вакцынацыі ад каранавіруса. Пры гэтым каля 8% прайшлі поўны курс каля паўгода таму — у тэорыі ім ужо патрэбен бустар або рэвакцынацыя. Груба кажучы, калі вы прышчапляліся ў чэрвені — вам ужо можна задумацца пра тое, каб рабіць прышчэпку нанова.

Добрая навіна: нават калі мы не ведаем, як будзе далей развівацца каранавірус (ён можа сапраўды станавіцца "мякчэйшым"), то дакладна ведаем, што ўжо праходзяць клінічныя выпрабаванні шэрагу спецыфічных лекаў ад COVID-19.