Новы хіт YouTube: Спуск з самай высокай воднай горкі ў свеце (відэа)
Яна мае назву Verrückt ("Вар'яцтва") і адкрыецца для наведвальнікаў 10 ліпеня ў адным з паркаў Канзас-Сіці ў ЗША.
Аднак ужо тыдзень праходзяць тэставыя выпрабаванні з удзелам людзей. Адзін з першых удзельнікаў "заезда" зняў на відэа свой спуск, які ўяўляе сабой 51 метр практычна вертыкальнага падзення. За тыдзень ролік набраў на YouTube больш за 3 мільёны праглядаў.
РІА "Новости" адзначае, што вышыня горкі параўнальная з вышынёй 17-павярховага дома. Сярэдняя хуткасць спуску з горкі складае 105 км за гадзіну.
