Новы прэзідэнт Чылі стане адным з самых маладых палітычных лідараў у свеце

Прэзідэнцкія выбары ў Чылі выйграў кандыдат ад кааліцыі левых сіл Габрыэль Борыч. Яго сапернікам у другім туры быў прадстаўнік правых Хасэ Антоніё Каст. Апошні хутка прызнаў сваё паражэнне — у яго каля 45%, у Борыча — больш за 54%. Як адзначае "Бі-Бі-Сі", сёлетнія выбары ў Чылі адрозніваліся тым, што абодва кандыдаты прытрымліваліся дыяметральна процілеглых поглядаў, яны прапаноўвалі зусім розныя бачанні развіцця краіны.

Новы прэзідэнт Чылі стане адным з самых маладых палітычных лідараў у свеце. Габрыэлю Борычу 35 гадоў. Ён зойме сваю пасаду 11 сакавіка 2022 года.