Нямецкім футбалістам забаранілі займацца сэксам і карыстацца сацсеткамі
![Нямецкім футбалістам забаранілі займацца сэксам і карыстацца сацсеткамі](/sites/default/files/styles/gallery_main/public/2023-08/2018-05-24t104238z_492082909_rc1de6000d00_rtrmadp_3_soccer-worldcup-ger.jpg.webp?itok=lCZM2WDT)
Футбалістам зборнай Германіі па футболе забаранілі займацца сэксам, празмерна ўжываць алкаголь і карыстацца сацыяльнымі сеткамі. Такое рашэнне прыняў галоўны трэнер Ёахім Леў, інфармуе сайт marca.com.
"Кожны гулец — частка пазла, і каманда нашмат важнейшая за кожнага чалавека паасобку", — сказаў Леў.
Чэмпіянат свету па футболе стартуе 14 чэрвеня. Зборная Германіі на першым этапе згуляе ў адной групе з Мексікай, Швецыяй і Паўднёвай Карэяй. Фінал прызначаны на 15 ліпеня. Калі немцы дойдуць да яго, то ўстрыманне ад сэксу і сацсетак працягнецца месяц.