"Пад беларусаў усе танцавалі". Уражанні ўкраінцаў ад фіналу "Еўрабачання"
У 22.00 у Кіеве пачнецца фінал "Еўрабачання-2017". За некалькі гадзінаў да старту Еўрарадыё паразмаўляла з кіеўлянамі, якія толькі паглядзелі генеральную рэпетыцыю фіналу. Па іх словах, увечары гледачы ўбачаць моцнае шоў. Праўда, прагнозы ўкраінцаў наконт пераможцы вельмі розныя.
Беларусы Naviband выйдуць на сцэну пад нумарам тры. У першай частцы фіналу выступяць таксама фаварыты конкурсу італьянец Франчэска Габані і партугалец Сальвадор Сабраль.
