Год не дома: размова з гуртом Naviband
1 і 2 кастрычніка ў Варшаве па адрасе Львоўская, 17 адбудуцца акустычныя канцэрты Naviband. Квіткі на канцэрт 1-га настолькі хутка разляцеліся, што музыкам нічога не заставалася, як прызначыць яшчэ адзін выступ.
Ужо год Ксюша Жук і Арцём Лук'яненка разам з маленькім Мацейкам жывуць у Польшчы: яны, як і многія іх калегі, падтрымалі мірнае імкненне беларусаў да перамен. Як уплывае на музыкаў жыццё ў эміграцыі? Наколькі змяняецца музыка, калі ствараецца не дома? У чым бонусы жыцця ў Польшчы і як спраўляцца з настальгіяй? Пра гэта ды іншае гаворым у жывым эфіры.
