Падаляк расказаў стваральніку "Байрактараў", як гараць расійскія танкі
Дарадца кіраўніка Офіса прэзідэнта Украіны Міхаіл Падаляк у Стамбуле сустрэўся з Халукам Байрактарам — гендырэктарам кампаніі, якая вырабляе славутыя баявыя дроны. Падаляк напісаў пра гэтую сустрэчу ў Твітары і выклаў фота з Байрактарам.
"Расійская бранятэхніка бездакорна гарыць у нашых выдатных палях. І будзе гарэць далей. Таму што "Байрактары" ідэальна вырашаюць любыя задачы — незаўважна, страшна, разбуральна. Заўсёды буду ўдзячны аўтару і бацьку суперзброі, за тое, што мы пераможам", — заявіў Падаляк.
Украіна атрымала ад Турцыі першыя беспілотнікі ў 2019 годзе, піша УНІАН. А ў лютым 2022 года Турцыя і Украіна падпісалі стратэгічнае пагадненне пра будаўніцтва завода па вытворчасці і рамонце дронаў.
Падаляк прыбыў у Стамбул у складзе ўкраінскай дэлегацыі, якая сёння праводзіла перамовы з Расіяй.
Російська бронетехніка бездоганно горить у наших чудових полях. І горітиме далі. Бо «Байрактари» ідеально вирішують будь-які завдання – непомітно, страшно, руйнівно. Завжди буду вдячний автору та батькові суперзброї – @haluk за те, що ми переможемо. pic.twitter.com/Ou6VXKlxJh
— Михайло Подоляк (@Podolyak_M) March 29, 2022
