Падпалкоўніка юстыцыі асудзілі за перадачу ТГ-каналу звестак пра сілавікоў
15 сакавіка суддзя Мінскага гарадскога суда Алена Ананіч вынесла прысуд палітвязню Вячаславу Кандыбу. Як паведамляюць праваабаронцы, яго прызналі вінаватым у распальванні сацыяльнай варожасці і варажнечы, а атксама зборы і распаўсюдзе звестак аб прыватным жыцці сілавікоў.
Паводле інфармацыі следства, Кандыба перадаваў даныя сілавікоў апазіцыйнаму тэлеграм-каналу. Затрымалі яго 15 ліпеня 2021 года.
Кандыбу прысудзілі 7 гадоў калоніі ўзмоцненага рэжыму, а таксама пазбавілі спецыяльнага звання "падпалкоўнік юстыцыі" запасу.
