Парашэнка прызначыў новага амбасадара Украіны ў Беларусі
![Парашэнка прызначыў новага амбасадара Украіны ў Беларусі](/sites/default/files/styles/gallery_main/public/2023-08/188355.jpg.webp?itok=AWlMh1mL)
Украінскі прэзідэнт Пётр Парашэнка прызначыў новага амбасадара Украіны ў Беларусі. Ім стаў 55-гадовы Ігар Кізім. У апошнія два гады ён працаваў часовым павераным у справах Украіны ў Вялікабрытаніі.
Вядома, што Кізім — ураджэнец Харкава. Ён — выпускнік факультэта міжнародных адносінаў і міжнароднага права Кіеўскага дзяржуніверсітэта імя Шаўчэнкі. Быў першым сакратаром украінскіх амбасадаў у Францыі і Нігерыі, дарадцам у амбасадзе ў Канадзе. У 2011-2013 гадах кіраваў аддзелам NATO дэпартамента міжнароднай бяспекі і раззбраення МЗС Украіны, пасля стаў намеснікам дырэктара гэтага дэпартамента, выконваў абавязкі яго кіраўніка.
Украіна не мела амбасадара ў Беларусі з траўня 2015 года, калі быў звольнены Міхаіл Ежаль. Ён працаваў у Беларусі два гады. Ва Украіне супраць Ежаля распачалі шэраг крымінальных справаў. У сакавіку 2016-га яго абвясцілі ў вышук.