Праваабаронцы прызналі музыкаў Nizkiz палітвязнямі
Гурт Nizkiz / Еўрарадыё
Праваабаронцы прызналі палітвязнямі яшчэ шэсць чалавек, у тым ліку затрыманых музыкаў гурта Nizkiz.
У спіс палітвязняў дадалі Ульяну Яковіч, Аксану Ючкавіч, Змітра Халяўкіна, Сяргея Кульшу, Аляксандра Ільіна, Арцёма Закржэўскага.
Як паведамлялася раней, музыкаў Nizkiz Змітра Халяўкіна, Сяргея Кульшу, Аляксандра Ільіна затрымалі на пачатку студзеня і абвінавацілі ва ўдзеле ў пратэстах 2020 года.
На сёння ў спісе палітвязняў у Беларусі — 1423 чалавекі. Колькасць людзей, якія трапілі за краты па палітычных матывах, насамрэч яшчэ большая.
